ஒரு பிரிவின் வலி!

என் ஒவ்வொரு நொடியும் ஒரு யுகம் ஆனது
நீ என்னருகே இல்லாத தருணம்!

தினமும் காலை உன் முகம் காண வேண்டி
ஓடோடி வந்தேன்...

இன்று உன் முகம் காண வேண்டி
ஏங்கி நிற்கிறேன்...

மழை நீர் பட்டு மகிழ்ச்சியில் செழித்திடும் புல்வெளி போல்
உன் பார்வை பட்டு செழிப்பாய் இருந்தேன் தினமும்

இன்று கோடை வெயிலில் காய்ந்திடும் புல் சருகு போல்
உன் பார்வை படாமல் கருகி நிற்கிறேன்...

நீ என் பெயரை  அழைக்கும் ஒவ்வொரு முறையும் என்  இதயம்
துள்ளி குதித்தது!

இன்று உன் குரல் கேக்க  ஏங்கி ஏங்கி என் இதயம் படுத்த
படுக்கையாய் கிடக்கிறது...  

உன்னோடு சேர்ந்து நடந்த பாதைகள் மின்மினியாய் ஜொலித்தது
இன்று நான் தனியாய் நடந்தால் எல்லாம்  இருளாய் தெரிகிறது...

உன்னோடு கை கோர்த்து இனிமையில் நடந்த நாட்கள் எல்லாம்
பெரும் வலியாய் இன்று என் தனிமையில் உணர்கிறேன்!

வானத்தையும் தொட்டு வரும் வலிமையாக உணர்ந்தேன் நீ என்னுடன்
இருந்த பொழுது... சிறகுடைந்த பறவை போல் கிடக்கிறேன் இன்று நீ இல்லாமல்!

உன் பிரிவின் வலியால் உருகிய என் மனதை
உன் குரலின் ஒலியால் போக்க என்று வருவாயோ...

Read More

சோகத்தின் மருந்து!

துன்பங்கள் ஆயிரம் வாட்டிய போதும்
இன்பமாய் ஆக்கிடும் உன் செல்ல பேச்சு...

ஏக்கங்கள் நெஞ்சினில் புதைந்திட்ட போதும்
தூக்கங்கள் இனித்திடும் கனவில் உன் வருகை...

தேடல்கள் மனதினில் தவித்திடும் போதும்
பாடலாய் நின்றிடும் உந்தன் நினைவு...

கவலைகள் கண்களில் குவிந்திடும் போதும்
கடலலையாய் இழுத்திடும் உன் அழகு சிரிப்பு...

காயங்கள் தழும்பாய் வலித்திடும் போதும்
மயாமாய் மாற்றிடும் உன் அரவணைப்பு...

சோகங்கள் இதயத்தில் சேர்ந்திடும் போதும்
மேகமாய் மறைத்திடும் உந்தன் அன்பு...

Read More

என் ஊதா உலகம் நீ...

ஜனவரியில் மலர்ந்த ஊதாப் பூ நீ

என் மன வலியை குறைத்த பேரன்பு நீ...

யாருக்கும் கிடைத்திடா நான் கண்ட பாசப் புதையல் நீ...

மூன்றெழுத்தில் உதித்த சூரியன் நீ

என் தலை எழுத்தை மாற்றிய காவியம் நீ

அள்ள அள்ள குறையாத நான் பெற்ற செல்வமும் நீ...

பூலோகத்தில் பிறந்த தேவதை நீ

என் சோகத்தை மறைத்திடும் அதிசயம்  நீ

என்றுமே வற்றாத  என் அன்பு  நீரூற்றும் நீ...

காலையில் மின்னிடும் நட்சத்திரம் நீ

என் கவலையை போக்கிடும் மருந்து நீ

நான் கேட்காமல் கிடைத்த  கடவுளின் வரமும் நீ....

தினமும் தோன்றிடும் வானவில் நீ

என் மனதை அமைதி செய்த  கோவில் நீ

என் வாழ்வை இனிக்கச் செய்த இன்பத் தேனும் நீ...

பாலைவனத்தில் உருவான அருவி நீ

என் உலகை சோலைவனமாக்கிய கருவி நீ

என்னை பிரித்தாலும் பிரிக்க முடியா பிறவியும் நீ...

இறைவனின் படைப்பில் பேரழகி நீ

என் இதய வீட்டில் முதல்  தோழி நீ

என் விலை மதிப்பில்லா வைரக் கிளியும் நீ...

பூமியில்  அதிசய சொர்க்கம் நீ

என் நேசம் குறையாத  சொந்தம் நீ

நான் இங்கு கண்ட அம்மா பந்தமும் நீ...

Read More

உன் முகம் காணத் துடித்தேனடி!

உன் முகம் காணத் துடித்தேனடி!

உன் பிரிவாலே தவித்தேனடி!

பல கடல் தாண்டி நானிருந்து உன் சுகம் காண ஏங்கிக்கொண்டு
என் உடல் நலம் கெடுத்தேனடி...

என் எதிர்காலம் நீ அங்கிருக்க  என் நிகழ் காலம் இருளில் இங்கு
அலங்கோலம் ஆகி போகுதடி........


 நீ அழகான என் பைங்கிளி.....
என்னை சிலையாக்கும் உன் கரு விழி....

நீ தொட்டாலே என் உயிர் பல யுகம் தாண்டி போகுமடி
உன் தொடல் இன்றி மடிந்தேனடி..........

உன் சிரிப்பாலே நீ என்னை சிறை வாசம் செய்வாயே
உன் சிரிப்பின்றி சரிந்தேனடி.........


எல்லாம் கனவாக தோணுதடி!
உன் நினைவாக உயிர் வாழுதடி!

என் உறக்கம் கலைக்க நீ ஓடோடி வருவாயோ
என் மீது இறக்கம் கொள்வாயடி.....

அந்த அழகான நாட்களை மீண்டும் நீ தருவாயோ
என் உயிரோடு கலப்பாயடி...

( தொலைவில் இருந்து கொண்டு தன் அன்பானவர்களை தேடும் அனைவருக்காகவும் இது)


படைப்பு: ராசிக்

Read More

காதல் என்ன இயற்கையின் உறவோ ?

காதல் என்ன பால்கொண்ட நிலாவோ ?
அதன் பேரொளியால்  என்னை கிறங்கடித்தது

காதல் என்ன ஆர்டிக் பனியோ?
என் இதயத் துடிப்பினை உறையச் செய்தது !

காதல் என்ன ஜப்பான் சுனாமியோ ?
அதன் பேரலையில் என்னை சுருட்டிக் கொண்டது

காதல் என்ன நைல் நதியோ  ?
அதன் வெள்ளப்பெருக்கில் என்னை சிக்க வைத்தது

காதல் என்ன எகிப்தின் பிரமிடோ ?
அதன் அடுக்குகளிடையே என்னை சிறை வைத்தது

காதல் என்ன சஹாரா பாலையோ
அதன் உஷ்ணச் சூட்டில் என்னை எரித்து கொண்டது

காதல் என்ன நீலம் புயலோ?
அதன் கோரப் பிடியில் என்னை புரட்டி எடுத்தது

காதல் என்ன செவ்வாய் கிரகமோ ?
என் நாவில் தண்ணீர் வற்றச் செய்தது

காதல் என்ன  அமேசான் காடோ ?
என் கண்ணைக் கட்டி அதனுள் விட்டது

காதல் என்ன அமெரிக்கப் படையோ ?
என் சொந்த மனதை அபகரித்துக்  கொண்டது

காதல் என்ன பசிபிக் கடலோ ?
அதன் ஆழியில்  என்னை தத்தளிக்க செய்தது

காதல் என்ன ஹிரோசிமா குண்டோ ?
அதன் கதிர்வீச்சில் என் தடமளித்தது

காதல் என்ன எவரஸ்ட் சிகரமோ
அதன் பாதியிலேயே என்னை தொங்க விட்டது

காதல் என்ன சூரிய கிரகணமோ ?
என் வாழ்வில் பாதியை மறைத்துக் கொண்டது

காதல் என்ன டைட்டானிக் கப்பலோ ?
என் உயிரை  அதனுள் மூழ்கடித்தது

காதல் என்ன ட்வின் டவரோ ?
என் மனக் கனவை  தரைமட்டம் செய்தது

காதல் என்ன  உலகப்போரோ ?
அதன் தாக்கம் என் அமைதியை பறித்தது

காதல் என்ன தாஜ் மஹாலோ ?
அதன் உள்ளே என்னை சமாதி செய்தது


படைப்பு: ராசிக் 

Read More

கண்ணாடி வளையல்

அழகான பேரழகி கொஞ்சுத் தமிழ் பேச்சழகி
நான்கு அகவை  கடந்த சிறு அழகி அவள்

தன் செல்ல மொழியில் யுகத்தையே தன்வசமாய்
ஈர்த்தெடுக்கும் வல்லமைக் காரிக்கு தன் தந்தையை
ஈர்க்க கடினமா என்ன !

புரியாத பல  நச்செரிப்பும் கபடமில்லா பொன்சிரிப்பும்
அவளை வீதி உலா கூட்டி வர செய்தது தந்தையை....

இது அவள் நெடு நாள் தொந்தரவு பல நாள் மனக்கனவு...

விடுமுறை நாளை எதிர்நோக்கி  அந்த பிஞ்சின் மனம்,
தந்தையின் உறுதி யின் பேரில்...

இறுதியில்  வந்தது ஞாயிறு உற்சாகமாய் பறந்தாள்
பல நாள் அடைபட்டு விடுபட்ட பட்டாம்பூச்சியாய்...

ஒரு கரம் தந்தையிடம் ஒரு கை தாயிடம் என
இருக பற்றிக்கொண்டு நடுவில் ஆடி வரும் தேர்போல்
மெல்ல ஆடி ஆடி நகர்ந்தாள் அந்த பிஞ்சழகி;

பொருட்காட்சியை வந்தடைந்த சிறு பாவையின்
கண்களில் ஆனந்தம் ஜொலித்தது குதூகலம் குதித்தது

ராட்டினத்தின் சுற்றலிலும் வண்ண ஜால விளக்குகளிலும்
மேலாய் அவளை கவர்ந்திட்டது அந்த கண்ணாடி வளையல்...

வண்ண ஒளியில் மின்னிட்ட அந்த வளையலின் தாக்கம்
அவளை அச்சிறு கடையின் பக்கம் இழுத்தது

தன் மெல்லிய கையின் வீரம் கொண்டு தந்தையை
முன் தள்ளி வாங்கித்தர கோரினாள்  செல்லமாக...

மினுமினுக்கும் கண்ணாடி வளையல் அவளின்
கரத்தில் ஜொலித்தது அவள் இதயம் களித்தது;

சிலுசிலுக்கும் ஓசை வேண்டி கையை குலுக்கிக்கொண்டே
நடந்தாள் அந்த  சின்னழகி;

வளையோசையுடன் தன் சிரிப்பால் போட்டியிட்டாள்
அச் சிறுபல்லழகி;

வீடு நோக்கி செல்கையிலே களிப்பின் உச்சத்தில்
கால் இடறி விழுந்தது  அச்சிறு மொட்டு...

கை ஊணி விழுகையிலே சில்லாய் நொறுங்கியது
கண்ணாடி வளையல் கூடவே உடைந்தது அச்சிறு
பிஞ்சின் இதயம்...

கைத்தூக்கினார் தந்தை விம்மி விம்மி அழுதாள்
அவளோ !

அடிகொண்ட கையை வருடி தேற்றினாள் தாய்;

அவளின் மனதோ காயம்  மறந்து போய்
வளையலின் இழப்பை நாடி அழுதது !
மறு  உலா வரும் நாள் என்று மீண்டும் வருமென
ஏங்கி நகர்ந்தது...

Read More

பெண்ணின் துயரம் அறிவாயா ?

பெண் நாட்டின் கண் என்பார்கள் ஆனால்
அப்பெண்ணின் மீது தான் பலர் கண்...

அழகின் வடிவமாய் பெண்ணைப்
படைத்தது கடவுளின் குற்றமோ?
அல்லது அழகு பதுமைகள் நிறைந்த
உலகில் கயவர்களையும் படைத்தது
கடவுளின் குற்றமோ?

பெண் சிசுக்கொலை குறைந்ததென்று
பெருமூச்சு விடும் வேளையிலே
பெண் காமக் கொலை நிறைந்து கொண்டே
செல்கிறது இப்பூவுலகில்!

காமுகனின் பார்வையிலே கற்பு
என்ன செருப்போ? உன் தேவைக்கு
அணிந்துவிட்டு வீசி எறிய...

மங்கையின் மதிப்பை மங்க செய்யும்
மிருகங்கள் நாட்டில் சுகபோகமாய்
சுற்றித் திரியும் பெருங்கொடுமை
வேறெங்கிலும் உண்டோ ?

உறவென்றால் என்ன வென்று அறியாத
இளம்பிஞ்சுகளை உன் இச்சை தீர்க்க
பலி கொள்ளும் அரக்கர்கள் இவ்வுலகில்
வாழ்ந்து பயனுண்டோ ?

பெண்ணாய் பிறந்தது அஞ்சி மடியவா
என்று மனக்கூச்சலிடும் பெண்கள் தான்
இந்நாட்டில் ஏராளம்!

உன்  காதல் வலையில் சிக்காதது
அவள் தவறா ? இல்லை அவள்  மனம்
விரும்பாததை செய்வது தான் உகந்ததா?
உன் மோகத் தொல்லையில் அவள் படும்
அவஸ்தை தான் நீ அறிவாயா ?

நம் தாய், சகோதரியின் நலம் நாடும் நாம்
பிறர் தாய், சகோதரியை கேடு நினைப்பது
தான் முறையாகுமா ?

என்று தணியும் இந்த சதைப் பித்தும்,
காதலின் பேரிலே பெண்ணைத் துரத்தும்
மோகப் பித்தும் ? எந்நூற்றாண்டில் தான்
பெண் கொடுமை நீங்கும் நாள் வரும் ?

படைப்பு: ராசிக் 

Read More